Agenda 21

Tokiko Agenda 21, eta ondorioz Bortzirietakoa ere bai, gogoeta eta planifikazio estrategikorako prozesua da, herri edo eskualde batean garatzen dena, eta bi irizpide nagusi dituena: iraunkortasuna eta herritarren parte hartzea.

Herritarren bizi kalitatea eta ongizatea bilatzen ditu herritik edo eskualdetik abiatuta, ingurumena babesteko eta errespetatzeko neurriak hartuz, berdintasun eta justizia soziala oinarri hartuta, eta garapen ekonomiko orekatua bilatuz.

Nafarroako Gobernuko Ingurumen, Lurralde Antolakuntza eta Etxebizitza Departamentua, Arantza, Bera, Etxalar, Igantzi eta Lesakako Udalekin elkarlanean eta koordinaturik ari da Bortzirietako Tokiko Agenda 21en ezarreran, Cederna-Garalurren laguntzarekin.

Herri erakundeak, eta Udalak bereziki, garapen iraunkorra bultzatzeko eta bermatzeko agente nagusi bihurtu dira. Herri administrazioak herri bakoitzeko arazo sozioekonomiko eta ingurumenekoak inork baino hobeki ezagutzen ditu, eta herritarrekin harreman estua duenez, berari dagokio protagonismo hau hartzea.

Horregatik, bada, Agenda 21 planifikazio estrategikorako tresna parte hartzailea da, toki administrazioaren antolakuntza moldeen eraldaketaren isla eta motore bihurtzen duena, aldi berean. Iraunkortasuna, zeharkakotasuna, koordinazio horizontala, gobernua sarean, ikuspegi estrategikoa edota herritarren parte hartzea tokiko gobernuaren kontzepzio berri baten ikur dira, eta Agenda 21-ak bere egiten ditu.

Funtsean, beraz, Arantza, Bera, Etxalar, Igantzi eta Lesakako Udalek eta Nafarroako Gobernuak, diruz laguntzen duen erakundea den heinean, herriko gizarte eta ekonomia arloko agenteen parte hartzea eta inplikazioa bilatzen dute, baita Bortzirietako bertze zerbitzu erakunde batzuena ere. Gogoeta hori TERRA-PROMETEA -ko lantaldearekin batera egiten ari dira, gogoeta bateratua eta akzio kolektiboa, Bortziriek etorkizun iraunkorra izan dezaten.

Iraunkortasunerako bultzada honakoetan oinarritzen da:

• Gizarte arloko alderdiei gehiago erreparatu, arazoen prebentzioari eta iraunkortasunaren gaineko eztabaidari.
• Balio eta jarrera aldaketa batean sakondu.
• Administrazioen arteko koordinazioa bultzatu alor guztietan, eta baita arlo publiko eta pribatuaren artean ere, bereziki sareak sortze aldera.
• Ingurumen politika guztietan eta garapenerako programetan iraunkortasunerako hezkuntza txertatu.
• Herritarren parte hartzea bultzatu herri mailako politikagintzan.

• AGENDA 21 Bilera agiria - Igantzin urriaren 4an ospatutakoa (Tamaina 1,04 Kb)
• AGENDA 21 Bilera agiria - Etxalarren urriaren 16an ospatutakoa (Tamaina 816 Kb)
• AGENDA 21 Bilera agiria - Lesakan urriaren 30ean ospatutakoa (Tamaina 849 Kb)
• AGENDA 21 Bilera agiria - Azaroaren 15ean ospatutakoa (Tamaina 409 Kb)
• AGENDA 21 Bilera agiria - Martxoaren 29an ospatutakoa (Tamaina 665 kb)
• AGENDA 21 - Gazteok iritzia emateko inkesta (Tamaina 299 Kb)
• AGENDA 21 - Inkestaren emaitzak azaltzen duen txostena (Tamaina 764 Kb)
  

Informazio osatuagoa Nafarroako Gobernuaren Tokiko Agenda 21 webgunean topatuko duzu.

2007KO UDA,  BORTZIRIETAN JAIBUS ZERBITZUA

Gogoeta eta planifikazio prozesua den Agenda 21 honen barruan, bertze ekintzen artean, aurtengo udarako JAIBUS zerbitzua antolatu da Bortzirietako herrietako bestaz gozatzeko aukera eskeiniz. Zerbitzu hau uda guzian egon da iraila azkenaldera arte.

Lesakako Bestak (21 Kb)

Berako Bestak (21 Kb)

Etxalar eta Arantzako Bestak (26 Kb)

Igantziko Bestak (22 Kb)