Luzera: 8,3 Km.

Malda: +500/-30 m.

Oiartzungo errepidetik (NA-4000), Biurrana auzora joanen gara (80 m). Han, erreka ondoko bidetik jarraituko dugu, eta, handik ezkerrera, Biurgaraiko burdinola zaharra ikusiko dugu. Zentral baten ondotik doan porlanezko malda aldapatsua igo, eta, ondoren, Idiburuta baserriraino joanen gara (375 m), lurrezko bide batetik. Berehala, Ikatzazuin lepora iritsiko gara (485 m). Bide anitzen elkargunea da hura. 300 m beheiti eginez mendebaldera, Domikoko urtegiraino ailegatuko gara (435 m).